کولمبیا کی حکومت اور فارک باغی فائر بندی معاہدے پر متفق ہو گئے ہیں۔

 ذرائع کے مطابق آج جمعرات کو کولمبیا کے صدر خوآن مانوئیل سانتوس اور فارک کے کمانڈر رودریگرو لوندونیئو عرف ٹیموشینکو اس معاہدے پر دستخط کرنے والے ہیں۔ 

فارک باغیوں نے 1960ء کی دہائی میں اپنی گوریلا جنگ کا آغاز کیا تھا۔ اس دوران لاطینی امریکا میں دو لاکھ بیس ہزار سے زائد افراد لقمہ اجل بنے اور بے گھر ہونے والوں کی تعداد بھی لاکھوں میں ہے۔ فائر بندی اُس امن معاہدے سے مشروط ہے، جس پر فریقین 2012ء کے اختتام پر رضامند ہوئے تھے۔