جنوب مغربی جرمنی کے سینما گھر میں بندوق کی نوک پر کئی لوگوں کو یرغمال بنانے والے نقاب پوش شخص کو پولیس نے ہلاک کردیا۔

فرانسیسی خبر رساں ایجنسی ’اے ایف پی‘ نے پولیس ترجمان کا حوالہ دیتے ہوئے بتایا کہ مسلح شخص ویرن ہیم قصبے کے کینوپولس سینما میں دوپہر کے وقت داخل ہوا اور چند فائر کیے۔

جرمن ریاست ہیسے کے وزیر داخلہ پیٹر بیوتھ کا کہنا تھا کہ پولیس نے مشتبہ شخص کو تقریباً 3 گھنٹے بعد ہلاک کردیا۔

انہوں نے کہا کہ مسلح شخص کی فائرنگ سے کوئی زخمی نہیں ہوا، اور سینما میں یرغمال بنائے گئے تمام افراد کو بحفاظر باہر نکال لیا گیا۔

جائے وقوع پر پولیس کی ترجمان نے ’اے پی‘ کو بتایا کہ انہیں فی الحال حملہ آور نے شناخت اور اس کے ارادوں کے حوالے سے کوئی معلومات نہیں ہیں۔

ہیسے کے وزیر داخلہ کا مزید کہنا تھا کہ یہ بات ابھی واضح نہیں ہے کہ مسلح شخص کے پاس موجود بندوق اصلی تھی یا نہیں، مسلح شخص نے نقاب لگایا ہوا تھا اور اس نے بظاہر 4 فائر کیے