انگلینڈ نے سری لنکا کو دس وکٹ سے ہراکر پانچ ون ڈے میچز کی سیریز میں ایک صفر کی برتری حاصل کرلی۔اوپنر جیسن روئے اور ایلکس ہیلز نے ناقابل شکست سنچریاں اسکور کیں ۔

ایجبسٹن میں کھیلے گئے سیریز کے دوسرے ون ڈے میں سری لنکا نے پہلے بیٹنگ کرتے ہوئے سات وکٹ پر 254 رنز اسکور کئے ۔ دنیش چندی مل اور اپل تھارانگا نے نصف سنچریاں بنائیں ۔

انگلینڈ کی جانب سے عادل رشید اور لیام پلنکیٹ نے دو دو کھلاڑیوں کو آؤٹ کیا۔جواب میں انگلش ٹیم نے ہدف 35 اوور میں بغیر کسی نقصان کے حاصل کرلیا۔

اوپنرز جیسن روئے اور ایلکس ہیلز کے درمیان 256 رنز کی ناقابل شراکت بنی ہیلز 133 اور روئے 112 رنز بناکر ناٹ آؤٹ رہے ۔