پولش اور مسلمان رہنماؤں نے برطانیہ میں نسل پرستی کی بنیاد پر متعدد مقامات پر حملوں کی مذمت کی ہے۔ پولیس کے مطابق وسطی انگلینڈ میں ایک مقام پر نسل پرستانہ اور پولستانی افراد کی مخالفت پر مبنی پرچے بھی تقسیم کیے گئے۔ 

ادھر لندن میں پولش کلچرل سینٹر کی دیوار پر بھی نفرت انگیز الفاظ لکھنے کا واقعہ سامنے آیا ہے۔ اسی تناظر میں برطانوی وزیراعظم ڈیوڈ کیمرون نے پارلیمان میں اپنے خطاب میں ایسے حملوں کی مذمت کرتے ہوئے بتایا کہ اس موضوع پر انہوں نے اپنی پولستانی ہم منصب سے ٹیلی فون پر بات چیت بھی کی ہے۔