روسی صدر ولادیمیر پوٹن نے اپنی حکومت کو ہدایت کی ہے کہ وہ گزشتہ سال شام میں ترکی کی جانب سے ایک روسی جنگی طیارہ مار گرائے جانے کے بعد سے ترکی کے خلاف عائد کردہ پابندیاں ہٹانے کا عمل شروع  کر دے۔ 

اس سے پہلے پوٹن نے اپنے ترک ہم منصب رجب طیب ایردوآن کے ساتھ گزشتہ سال کے اس واقعے کے بعد سے  پہلی مرتبہ ٹیلی فون پر بات چیت کی۔

 انقرہ میں ایک ترک افسر نے بتایا کہ نومبر کے واقعے کے بعد باہمی اختلافات دور کرنے کے سلسلے میں ہونے والی یہ گفتگو تعمیری اور مثبت رہی۔ 

بتایا گیا ہے کہ پوٹن نے اس گفتگو میں استنبول کے اتا ترک ایئر پورٹ پر اکتالیس افراد کی ہلاکت کا باعث بننے والے دہشت گردانہ حملے کے پس منظر میں ترکی کے ساتھ ہمدردی کا بھی اظہار کیا۔