لندن کے سابق میئر بورس جانسن نے وزارت عظمیٰ کی دوڑ سےدستربردار ہونےکا اعلان کردیا،کہتے ہیں کہ انہیں نہیں لگتا کہ وہ لیڈرشپ اور اتحاد فراہم کر پائیں گے جس کی ضرورت ہے۔

لندن میں ایک تقریب سے خطاب کرتے ہوئے بورس جانسن نے کہا کہ وہ ایسی لیڈرشپ فراہم نہیں کر پائیں گے جس کی ضرورت ہے۔

نامزدگی کا وقت ختم ہونے سے کچھ دیر قبل جانسن نے میڈیا سے بات کرتے ہوئے کہا کہ اگلے کنزرویٹو جماعت کے سربراہ کو جماعت کو متحد کرنا ہو گا اور اس بات کو یقینی بنانا ہو گا کہ برطانیہ کا عالمی سطح پر وقار بلند رہے۔

انہوں نے مزید کہا کیہ ساتھیوں سے بات کرنے کے بعد اور پارلیمنٹ کی صورتحال کو دیکھتے ہوئے انہوں نے یہ فیصلہ کیا ہے۔

برطانوی وزیراعظم کی دوڑ میں وزیر داخلہ تھریسا مے،جسٹس سیکریٹری مائیکل گّو،وزیر برائے توانائی آندرے لیڈسم، وزیر دفاع لیئم فوکس اور ورک اینڈ پنشن کے وزیر سٹیفن کریب بھی شامل ہیں۔