پاکستان کرکٹ بورڈ نے ویسٹ انڈیز کے خلاف سیریز کا مجوزہ شیڈول متعلقہ بورڈ کو بھجوا دیا ہے ۔ سیریز کے وینیوز اور تاریخوں کو حتمی شکل دینے کے لئے بات چیت کا سلسلہ جاری ہے ،عید کے بعد شیڈول کا اعلان کیا جائے گا ۔

مجوزہ شیدول کے مطابق ٹی ٹوئنٹی میچز 23 اور 24 ستمبر کو دبئی اور 27 ستمبر کو شارجہ میں کرائے جائیں گے۔ ون ڈے میچز 30 ستمبر کو دبئی ، 2 اکتوبر کو شارجہ اور 5 اکتوبر کو ابوظہبی میں کرانے کی تجویز ہے ۔

پہلا ٹیسٹ 13 اکتوبر سے ابو ظہبی ، دوسرا ٹیسٹ 21 اکتوبر سے دبئی اور تیسرا ٹیسٹ30 اکتوبر سے شارجہ میں شیڈولڈ کیا گیا ہے۔

ڈے اینڈ نائٹ ٹیسٹ ابوظہبی میں کرانے کی تجویز دی گئی ہے اس کے علاوہ ڈے اینڈ نائٹ ٹیسٹ سے پہلے 7 سے 9 اکتوبر تک شارجہ میں پریکٹس میچ کرایا جائے گا