پاکستان تحریک انصاف کے سربراہ عمران خان ڈٹے ہوئے ہیں کہ وزیراعظم کے احتساب کیلئے آخری حد تک جائیں گے ۔ انہوں نے مزید کہا کہ سفارش، سیاسی بھرتیوں اور میرٹ پر عمل نہ ہونے کی وجہ سے پولیس کو تباہ کیا گیا ہے۔ 

کراچی سے اسلام آباد روانگی سے قبل میڈیا سے بات چیت کرتے ہوئے عمران خان کا کہنا تھا کہ شہر کےحالات پہلےسےبہتر ہیں ۔خیبرپختونخوا میں کرپشن پر 5 ہزارپولیس اہل کاروں کونکالا گیا۔ لوگوں کو پولیس پر اعتماد نہیں ہے ۔

سندھ اور پنجاب کی پولیس کو ٹھیک کرنے کی ضرورت ہے، پولیس میں سیاسی بھرتیاں کی گئی ہیں۔ پنجاب میں 70 ہزار پولیس اہلکار اہم شخصیات کی حفاطت کیلئے ہیں ۔ ان کا کہنا تھا ان کی بہن کے ساتھ واقعہ لاہور میں پیش آیا، ذمہ دارن لیگ ہے ۔

ان کا مزید کہنا تھا کہ تحریک انصاف وزیر اعظم کے احتساب کے لیے ہر حد تک جائے گی کیونکہ ہماری جدوجہد بادشاہت کے خلاف ہے ۔ یہ اربوں روپے چوری کرکے دندناتے پھررہے ہیں۔

کپتان نے مزید کہا کہ رینجرز امجد صابری کے قاتلوں کو گرفتار کرے۔سفارش، سیاسی بھرتیوں اور میرٹ پر عمل نہ ہونیکی وجہ سے پولیس کو تباہ کیا گیا ہے ۔ اویس شاہ کی بازیابی کے لیے ہر ممکن اقدامات کیے جائیں ۔

اسلام آباد روانگی سے قبل عمران خان سے حلیم عادل شیخ اور دیگر رہنما ووں نے ملاقات کی ،ملاقات میں اندرون سندھ پارٹی امور پر بات چیت کی گئی۔