ایک ترک بحری جہاز فلسطینی علاقے غزہ پٹی کے باشندوں کے لیے امدادی سامان لے کر آج جنوبی اسرائیلی بندرگاہ اشدود میں لنگر انداز ہو گیا ہے۔

 اس سامان بردار بحری جہاز پر دس ہزار ٹن ادویات، خوراک، کھلونے، اور دوسری اشیائے ضروری لدی ہوئی ہیں۔ اشدود بندرگاہ کے حکام نے ترک بحری جہاز کے پہنچنے کی تصدیق کر دی ہے۔ 

یہ امدادی سامان حال ہی میں ترکی اور اسرائیلی میں طے پانے والی ڈیل کے تحت پہنچایا گیا ہے۔ اس ڈیل کے تحت ترکی غزہ پٹی میں ایک ہسپتال، بجلی پیدا کرنے والا مرکز اور پینے کے صاف پانی کا پلانٹ بھی نصب کرے گا۔