حمید کاشمیری کی وفات

٭6 جولائی 2003ء کو معروف افسانہ نگار اور ڈرامہ نگار حمید کاشمیری کراچی میں وفات پاگئے۔

حمید کاشمیری کا اصل نام عبدالحمید تھا اور وہ یکم جون 1929ء کو بانسرہ گلی، تحصیل مری ضلع راولپنڈی میں پیدا ہوئے تھے۔ حمید کاشمیری ایک بے حد فعال ادیب تھے۔ انہوں نے لاتعداد افسانے، پندرہ سے زیادہ ناول اور ٹیلی وژن کے لئے 50 سے زیادہ انفرادی ڈرامے، ڈرامہ سیریلز اور ڈرامہ سیریز تحریر کیں جن میں ایمرجنسی وارڈ، روزن زنداں، شکست آرزو، اعتراف، کشکول، کافی ہائوس، لغزش اور ہفت آسمان کے نام شامل ہیں۔

حمید کاشمیری کراچی میں میوہ شاہ کے قبرستان میں آسودۂ خاک ہیں۔

---------------------------------------------------------------------------------------------------------------------

عالمی تعلیمی سال کے موقع پر یادگاری ڈاک ٹکٹوں کا اجرأ

*6 جولائی 1970 ء کو عالمی تعلیمی سال کے موقع پر پاکستان کے محکمہ ڈاک نے 20 پیسے اور 50 پیسے مالیت کا دو یادگاری ڈاک ٹکٹوں کا ایک سیٹ جاری کیا جس کا ڈیزائن پاکستان سیکیورٹی پرنٹنگ کارپوریشن کی محمودہ  خاتون نے تیا رکیا تھا۔