یہودی آبادکاروں نے بیت لحم کے قصبے الخضر کے قریب واقع زرعی زمین پر دھاوا بول دیا اور وہاں پر موجود انگور کے باغ کی تمام بیلیں اکھاڑ پھینکیں۔

الخضر ٹائون میں عوامی کمیٹی کے کوآرڈینیٹر احمد صلاح نے خبررساں ایجنسی قدس پریس کو بتایا ہے کہ آبادکاروں نے باغ کے گرد لگی ہوئی حفاظتی باڑ کو کاٹ دیا اور فارم کا مرکزی دروازہ بھی توڑ ڈالا۔

صلاح کے مطابق اسرائیلی آبادکاروں کی جانب سے فلسطینیوں کے خلاف جارح کارروائیوں میں حالیہ دنوں کے دوران اضافہ دیکھنے میں آرہا ہے۔