لاہور ہائیکورٹ کے چیف جسٹس سید منصور علی شاہ نے عید الفطر کے موقع پر سینٹرل جیل لاہور کا دورہ کیا اور نظام عدل میں بہتری کے لئے ورکنگ کمیٹی قائم کر دی جس کے تحت کسی بے گناہ قیدی کو جیل میں نہیں رہنے دیا جائے گا۔
لاہور: (دنیا نیوز) چیف جسٹس لاہور ہائیکورٹ سید منصور علی شاہ نے عید کیمپ جیل میں قیدیوں کے ساتھ منائی۔ چیف جسٹس کیمپ جیل پہنچے تو پولیس کے چاق چوبند دستے نے انہیں گارڈ آف آنر پیش کیا۔ چیف جسٹس نے عید کے موقع پر قیدیوں سے ان کے مسائل سنے۔ اس موقع پر چیف جسٹس نے معمولی جرائم میں ملوث انتیس قیدیوں کو فوری طور پر رہا کرنے کا حکم دیا۔
جیل کے دورے کے موقع پر چیف جسٹس نے میڈیا سے گفتگو کرتے ہوئے کہا کہ جیلوں میں کسی بے گناہ قیدی کا رہنا برداشت نہیں کیا جائے گا۔
جیل کے دورے کے بعد چیف جسٹس درالامان گئے اور وہاں رہائش پذیر خواتین کو عید کی مبارک باد دی۔ چیف جسٹس نے درالامان میں موجود تیس خواتین کو ایک ہزار روپے فی کس عیدی کا تحفہ بھی دیا۔ چیف جسٹس نے دارالامان کے انتظامی معاملات پر عدم اطمینان کا اظہار کیا اور ناقص سکیورٹی انتظامات کا نوٹس لیتے ہوئے رجسٹرار لاہور ہائیکورٹ سے رپورٹ طلب کر لی۔
(0) آپکی رائے
پرنٹ
احباب کو بتائیے
اُوپر