اس عہد کے مسیحا عبدالستار ایدھی کراچی میں انتقال کر گئے انکی عمر نوے برس کے قریب تھی اس بات کی تصدیق انکے بیٹے فیصل ایدھی نے بھی کر دی ہے

کچھ دیر پہلے انکی تشویشناک طبیعت کے بارے میں انکی اہلیہ نے ایک پریس کانفرنس میں بتایا تھا۔ 

پاکستان میں سماجی خدمت کے حوالے سے ایک بہت بڑا نام جو اب ہمارے درمیان نہیں رہا

ایدھی صاحب کچھ عرصے سے گردوں کے مرض میں مبتلا تھے اور معروف سرجن ڈاکٹر ادیب رضوی کے زیر علاج تھے

انکی نماز جنازہ کل ہفتے کے روز بعد نماز ظہر ممیمن مسجد بولٹن مارکیٹ میں ادا کی جائے گی اور کراچی میں ایدھی ویلج میں ہی تدفین ہو گی۔ انکی وصیت تھی کہ انکو ان ہی کپڑوں میں دفن کیا جائے جو انہوں نے پہنے ہوئے تھے ۔

عبدالستار ایدھی نے اپنے اعضا عطیہ کرنے کی وصیت بھی کی تھی اور انکے بیٹے کے مطابق انکی آنکھیں عطیہ کر دی گئی ہیں جو دو افراد کو لگ جائیں گی

ایدھی صاحب نے ایک رخ سے پاکستان میں سماجی خدمت کی بنیاد رکھی اور ملکی وسائل سے ہی سب کام کیئے

بیمار ہونے کے بعد انکو بیرون ملک علاج کی پیشکش کی گئی لیکن انہوں نے انکار کر دیا اور ملک میں ہی علاج کرانے پر مُصر رہے

انکی میت ہسپتال سے سرد خانے میں منتقل کر دی گئی ہے