انسانی خدمات کے میدان میں صدیوں یاد رکھے جانے والے عبدالستار ایدھی مرحوم کے دست راست صاحبزادے فیصل ایدھی کا کہنا ہے ملاؤں اور قدامت پسندوں نے ان کے والد کو پریشان کئے رکھا ۔ فیصل ایدھی نے درخواست کی ہے کہ مرحوم ایدھی صاحب کو اب بخش دیا جائے ، " ایدھی صاحب کو اب بخش دیا جائے" کہنے سننے میں تو یہ سادہ سے الفاظ ہیں لیکن اس مختصر سے جملے میں کس قدر کرب دکھ اور بے بسی ہے ۔

 یہ عبدالستار ایدھی کے صاحبزادے فیصل ایدھی سے کوئی پوچھے جو اپنے ہی ملک کے ملاؤں اور قدامت پسند عناصر سے اس قدر نالاں ہیں کہ ان لفظوں کا سہارا لینا پڑا ۔ ان خیالات کا اظہار فیصل ایدھی نے برطانوی نشریاتی ادارے کو ایک انٹرویو کے دوران کیا ۔ فیصل ایدھی نے ملاؤں اور قدامت پسند عناصر نے سرمایہ داروں کے ساتھ مل کر ان کے والد کو ہمیشہ پریشان کیا ۔ فیصل ایدھی کا کہنا تھا ایدھی فاؤنڈیشن کو عطیات کی کمی کا خدشہ ہے ۔

 رمضان المبارک میں ایک منصوبے کے تحت ایدھی صاحب کے انتقال کی افواہیں پھیلائی گئیں تاکہ لوگوں کو عطیات دینے سے روکا جائے ۔ فیصل ایدھی نے حکومت کی طرف سے عبدالستار ایدھی کی نماز جنازہ کو ہائی جیک کرنے کا الزام مسترد کر دیا - 

ممتاز سماجی رہنماء عبدالستار ایدھی کی تعزیت کے لئے ایدھی ہوم میں چوتھے روز بھی سیاسی، سماجی اور دیگر شعبہ ہائے زندگی سے تعلق رکھنے والے افراد کی آمد کا سلسلہ جاری رہا۔ گورنر اسٹیٹ بینک اشرف وتھرا نے فیصل ایدھی سے تعزیت کے بعد میڈیا سے بات چیت کرتے ہوئے کہا کہ ایدھی صاحب کے لئے 16 جولائی کو اسٹیٹ بینک میں مالیاتی اداروں کا تعزیتی اجلاس منعقد ہو گا۔ -

وزیر اطلاعات سندھ مولا بخش چانڈیو اور سنیٹر حاصل بزنجو بھی فیصل ایدھی سے تعزیت کے لئے ایدھی ہوم پہنچے۔ مولا بخش چانڈیو کا کہنا تھا کہ ایدھی صاحب نے اپنے عمل سے بتا دیا کہ لوگوں کی خدمت کے لئے کسی عہدے کی ضرورت نہیں ہوتی۔ سماجی اور سیاسی رہنماؤں کا کہنا تھا کہ ایدھی صاحب کی زندگی پوری قوم کے لئے مشعل راہ ہے جو انسانیت کا درس دیتی ہے۔ 

واشنگٹن میں وائٹ ہاؤس کے ترجمان نے عبدالستار ایدھی کی خدمات کے اعتراف میں انہیں شاندارالفاظ میں خراجِ عقیدت پیش کیا ہے۔

ایک بیان میں امریکی قومی سلامتی کونسل کے ترجمان نیڈ پرانس نے کہا ہے کہ عبدالستار ایدھی ایک عظیم انسان تھے جنہو ں نے لگ بھگ 6دہائیوں تک اپنی اہلیہ کے ساتھ ملکر انسانیت کی بے لوث خدمت کی اور بڑھ چڑھ کر سماجی کاموں میں حصہ لیا، بھوکوں کو کھانا کھلایا، بے گھرا ور بے سہارا افراد کو چھت فراہم کی اور نرسنگ ہومز اور یتیم خانے بنائے، رضاکارانہ طور پر مفت ایمبولینس سروس کا آغاز کیا ، ذاتی طور پر زخمیوں کی مدد کی۔ 

عبدالستار ایدھی کے انتقال پر بلقیس ایدھی،ان کے بچوں اور تمام پاکستانی قوم سے تعزیت کرتے ہوئے ترجمان نے مزید کہا کہ ایدھی صاحب نے رنگ و نسل ، مذہب، قومیت اور طبقاتی فرق سے بالا تر ہو کر انسانیت کی خدت میں اپنی پوری زندگی وقف کر دی جس کی مثال نہیں ملتی

 بابائےخدمت عبدالستارایدھی کا سوئم کراچی کی میمن مسجد میں منعقد کیا گیا، سوئم میں سیاسی ، سماجی شخصیات سمیت مختلف مکاتب فکر سے تعلق رکھنے والے افراد نے شرکت کی ۔

میمن مسجد میں عبدالستار ایدھی کا سوئم کے موقع پر سیکیورٹی کے سخت انتظامات کیے گئے ہیں۔ مسجد کے داخلی راستے پر واک تھرو گیٹ لگایا گیا ہے اور سوئم میں شرکت کرنے والوں کو جامعہ تلاشی کے بعد مسجد میں داخل ہونے دیا جارہا ہے۔

اس موقع پر مسجد کے باہر پولیس اور اندر پولیس اہلکاروں کو بھی تعینات کیا گیا۔ عبدالستارایدھی کے سوئم میں مختلف سیاسی اورسماجی لوگوں شریک ہیں۔ ایم کیوایم کے رہنما فاروق ستار کا کہنا تھاکہ عبدالستار ایدھی شخصیت کا نہیں ادارے کا نام ہےاور وہ پاکستان کی پہچان ہیں۔

پاک سرزمین پارٹی کے رہنما وسیم آفتاب کا کہنا تھاکہ پاکستان کو فلاحی ریاست بنانا عبدالستار ایدھی کا مشن تھا اور اب یہ ہماری ذمہ داری ہے۔

سینیٹر سعید غنی کا کہنا تھاکہ عبدالستار ایدھی نے بنا تفریق کے لوگوں کی مدد کی اور جتنا مقام انکو ملا شاہد ہی کسی امیر کو ملا ہوگا۔

پی ٹی آئی کے رہنما عارف علوی کاکہنا تھاکہ ایدھی صاحب پاکستان کی شناخت تھے ۔انہوں نے لوگوں کو کفن، کھانا، کپڑا اور آنکھیں بھی دیں۔

عبدالستار ایدھی کے سوئم میں سینیٹر مولا تنویر الحق تھانوی، سفیان یوسف، راشد ربانی، وقار مہدی، قاضی احمد نورانی ، سہیل عابدی ، فاروق ستار، عارف علوی، وسیم آفتاب ، سینیٹر سعید غنی ، ڈاکٹرادیب رضی سمیت دیگر نے شرکت کی

عبدالستار ایدھی کے سوئم میں شرکت کے لیے کراچی سمیت صوبے بھر سے بڑی تعداد میں شہریوں کی آمد کا سلسلہ صبح سویرے ہی شروع ہو گیا تھا۔

سندھ پولیس نے سیکیورٹی کے لیے مسجد اور اس کے اطراف میں 400 کمانڈوز حفاظت کے لیے مامور کیے۔

خواتین کے لیے عبدالستار ایدھی مرحوم کے سوئم پر ان کی رہائش گاہ میٹھادر سینٹر میں انتظام کیا گیا۔

خیال رہے کہ سماجی رہنما عبد الستار ایدھی کا انتقال دو روز قبل سندھ انسٹیٹیوٹ آف نیورولوجی اینڈ ٹرانسپلانیٹیشن (ایس آئی یو ٹی) میں گردوں کے عارضے کے باعث ہوا تھا۔

عبد الستار ایدھی ہی عمر 88 برس تھی جبکہ وہ 1947 میں 19 سال کی عمر میں ہندوستان سے پاکستان ہجرت کرکے آئے تھے، انہوں نے 1951 میں کراچی میں سماجی خدمت کا سلسلہ شروع کیا تھا جو کہ ان کے انتقال تک 65 برس جاری رہا۔

مولانا ایدھی کا جسد خاکی ایدھی ہوم میٹھادر سے ملٹری گن کیرج وہیکل کے ذریعے آخری آرام تک لے جایا گیا۔ ذرائع کا کہنا ہے کہ یہ وہی تاریخی گاڑی ہے جس میں قائد اعظم، اور ضیاءالحق کی میتوں کو جنازہ گاہ تک پہنچایا گیا۔ اس دوران سیکیورٹی کے سخت انتظامات کئے گئے تھے،جبکہ فضائی نگرانی کا اہتمام بھی کیا گیا۔ عبدالستار ایدھی کو سرکاری اعزاز کے ساتھ کراچی کے ایدھی ولیج میں سپرد کردیا گیا، فیصل ایدھی نے اپنے عظیم والد کو انہی کی تیار کردہ لحد میں اُتارا

عظیم سماجی کارکن عبدالستارایدھی کا جسد خاکی ایدھی ہوم میٹھادر سے لیاری ایکسپریس وے پر مخالف سمت میں نیشنل اسٹیڈیم لایا گیا ۔ پاک بحریہ نے عبدالستار ایدھی کی میت کو میٹھادر سے نیشنل اسٹیڈیم لانے کیلئے اسکواڈ فراہم کیا۔ نماز جنازہ کے بعد میت کوپاک بحریہ کا دستہ ایدھی ولیج سہراب گوٹھ لیکر جارہا ہے۔نماز جنازہ کے بعد ٹریفک پولیس روٹ کے مطابق کارساز، شارع فیصل، اسٹار گیٹ ، ائیرپورٹ، ماڈل کالونی، ٹینک چوک، جناح ایونیو، سے سپرہائی وے سے ایدھی ولیج لے رہی ہے جہاں ان کی تدفین کی جائے گی۔ رینجرز نے ایدھی ولیج کی سیکیورٹی سنبھال لی ہے۔

ایدھی صاحب کوانہی کے کپڑوں میں ایدھی ولیج میں خود ان کے ہاتھوں سے کھودی ہوئی قبر میں اتارا جائےگا ، وصیت کے عین مطابق آنکھیں بھی عطیہ کردی گئیں ، ایدھی نے خیرات کی ایک بھی پائی خود پرحرام سمجھی ،بیرون ملک علاج کی پیش کش مستردکردی، سرکاری اسپتال میں علاج ہی کو ترجیح دی۔ 

ایدھی کی خدمات اورانسان دوستی سرحدی حدود سے آزاد تھی ، یورپ ہو یا امریکا ،ایشیا ہو یا افریقہ جہاں جہاں کوئی آفت،کوئی مصیبت آئی ،دکھی انسانوں کو مدد کی ضرورت پڑی،ایدھی کی ریسکیوٹیموں نے انسانیت کی خدمت کی ،گیتا کو بھارت واپس پہنچایا تو سپر اسٹار سلمان خان بھی ایدھی فاونڈیشن کی تعریف کیے بنا نہ رہ سکے۔