مقبوضہ کشمیر میں بھارت کی ریاستی دہشت گردی سے شہید ہونےوالوں کی تعداد32 ہوگئی ہے ۔حریت قیادت نے قابض فوج کے تشدد کے خلاف مزید دوروزہ ہڑتال کی اپیل کی ہے۔ مظلوم کشمیریوں کی آواز دبانے کے لیے وادی میں چوتھے روز بھی کرفیونافذہے ۔
حریت پسند کمانڈر شہیدبرہان مظفروانی کے ماورائے عدالت قتل کے خلاف مقبوضہ کشمیر میں احتجاج کا سلسلہ چوتھے روز بھی جاری ہے ۔مظاہروں سے گھبرائی کٹھ پتلی انتظامیہ نے وادی کوفوجی چھاؤنی میں تبدیل کردیا ہے اور چوتھے روزبھی کرفیونافذہے۔
مقبوضہ وادی میں بنیادی انسانی حقوق کی خلاف ورزی کے ساتھ ساتھ فون اور انٹرنیٹ سروس بھی معطل ہے ۔وادی کے اسپتالوں میں سینکڑوں زخمی موجود ہیں جن میں زیادہ تعداد قابض فوج کے خلاف احتجاج کرنےوالے نوجوانوں کی ہے۔
حریت قیادت سیدعلی گیلانی ،میرواعظ عمر فاروق اوریاسین ملک نے مشترکہ بیان میں مزید دوروزہ ہڑتال کی اپیل کی ہے ۔
حریت رہنماؤں نے خبردار کیا ہے کہ بھارت اور کٹھ پتلی انتظامیہ نے نہتے نوجوانوں کو مارنے کاسلسلہ بند نہ کیا تو حالات کےذمہ داروہ خود ہوںگے
(0) آپکی رائے
پرنٹ
احباب کو بتائیے
اُوپر