سابق صوبائی وزیر شرجیل میمن پر کرپشن سے متعلق کیس میں چار ملزمان نامزد ہیں لیکن ای سی ایل میں صرف دو کے نام ڈالے گئے، اس کی کیا وجوہات ہیں؟ یہ جاننے کیلئے سپریم کورٹ نے ڈی جی نیب کراچی میں طلب کرلیا ہے۔

ذرائع کے مطابق کرپشن سے متعلق کیس میں شرجیل میمن اور انعام اکبر کے نام ای سی ایل میں ڈالے گئے ہیں،دیگر ملزمان ذوالفقار شلوانی اور منصور راجپوت کے نام ای سی ایل میں نہیں ڈالے گئے۔

ذرائع کا یہ بھی کہنا ہے کہ نیب سندھ نے شرجیل میمن کے خلاف ریفرنس تیار کرکے چیئرمین نیب کو بھیجوادیا ہے، نیب ایگزیکٹیو بورڈ کے اجلاس میں شرجیل میمن کیس پر منظوری لی جائے گی