مختلف شہروں میں آرمی چیف جنرل راحیل شریف کی تصاویر والے بینرز آویزاں کیے جانے پر آئی ایس پی آر کا رد عمل سامنےآیا ہے۔

آئی ایس پی آر کا اس حوالے سے کہنا ہے کہ آرمی چیف کے پوسٹرز اور بینر لگانے سے فوج یا اس سے منسلک کسی ادارے کا کوئی تعلق نہیں۔

واضح رہے کہ گزشتہ روز آرمی چیف جنرل راحیل شریف کی تصویر والے بینرز راولپنڈی، اسلام آباد، فیصل آباد اور لاہور کی مختلف شاہراہوں پر لگا دیئے گئے ہیں، جن پر لکھا ہے کہ ’’جانے کی باتیں ہوئیں پرانی،خدا کے لیے اب آجاؤ‘‘۔