واشنگٹن میں دنیا کے تیس سے زائد ممالک کے وزرائے خارجہ اور دفاع کا اجلاس شروع ہو رہا ہے، جس میں شدت پسند تنظیم داعش کے خلاف جاری لڑائی کے حوالے سے بات چیت ہو گی۔

 خبر رساں ادارے ایسوسی ایٹڈ پریس کے مطابق اس اجلاس میں عراق اور شام میں اس تنظیم کے خلاف اتحادی ممالک کی کارروائیوں کے حوالے سے گفت گو کے علاوہ آئندہ کا لائحہ عمل بھی واضع کیا جائے گا۔

 یہ اجلاس ایک ایسے موقع پر ہو رہا ہے، جب عراقی فوج امریکی قیادت میں بین الاقوامی اتحاد کی فضائی مدد کے ذریعے ’اسلامک اسٹیٹ‘ کے زیر قبضہ سب سے بڑے شہر موصل پر حملے کی تیاری کر رہی ہے۔