قندیل بلوچ قتل کیس کے مرکزی ملزم وسیم کو پولی گرافک اور ڈی ۔ این ۔ اے ٹیسٹ کے لئے ملتان سے لاہور منتقل کر دیا گیاجبکہ وسیم نے قتل میں مزید افراد کی شمولیت کا اعتراف کرتے ہوئے بتایا کہ قندیل کے قتل کا منصوبہ اس نے اپنے رشتہ دار حق نواز کے ساتھ مل کر بنایا ۔

قندیل کو جب قتل کیا اس وقت حق نواز میرے ساتھ گھر میں موجود تھا جس نے قتل میں معاونت کی جبکہ قتل کے وقت ایک اور رشتہ دار باسط گھر سے تھوڑے فاصلہ پر کار میں ہمارا انتظار کررہاتھا ۔

قندیل کو قتل کیا اور کار میں باسط کے ساتھ میں اور حق نواز فرار ہو گئے ۔ پولیس نے ڈیرہ غازی خان سے قندیل کی 2 بھابھیوں کو بھی زیر حراست لے کرتفتیش میں شامل کر لیا ہے ۔

ملزم وسیم کو ڈی ۔ این ۔ اے اور پولی گرافک ٹیسٹ کے لئے رات گئے ملتان سے لاہور منتقل کر دیا گیا جہاں آج اس کے ٹیسٹ کے بعد مزید حقائق سامنے آئیں گے ۔ 

ملزم وسیم کو تحقیقات کے لئے ایک بار پھر 25 جولائی تک جسمانی ریمانڈ پر منتقل کیا گیا ہے