لاہور میں اورنج لائن ٹرین منصوبہ مزید چار زندگیاں نگل گیا.داروغہ والا چوک پر تعمیراتی کاموں پر مامور ڈمپر کی ٹکر سے چار افراد موت کے منہ پر چلے گئے
۔وزیر اعلی نے حادثے پر نوٹس لیتے ہوئے ذمہ داروں کے خلاف کارروائی کا حکم دےدیا ہے۔لاہور میں داروغہ والا چوک کے قریب صبح سویرے ڈمپر نے رکشہ اور موٹر سائیکل کو ٹکر مار دی
۔ڈمپر ڈرائیور کی غفلت کے باعث ملازم علی،احمد شاہ،نعمان سمیت چار افراد لقمہ اجل بن گئے۔حادثے میں چار افراد زخمی بھی ہوئے۔جنہیں تشویشناک حالت میں اسپتال منتقل کیا گیا۔دردناک حادثے کے خلاف اہل علاقہ سڑکوں پر نکل آئےاور داروغہ والا چوک پر اورنج لائن انتظامیہ کے خلاف شدید نعرے بازی کی۔مظاہرین کا کہنا تھا کہ اورنج لائن منصوبے کے ترقیاتی کاموں کے دوران حفاظتی اقدامات نہ ہونے کے باعث حادثات معمول بن گئے ہیں
وزیراعلیٰ شہباز شریف نے افسوسناک حادثے پر چار افراد کے جاں بحق ہونے پر اظہار افسوس کرتے ہوئے ذمہ داروں کے خلاف قانونی کارروائی کی ہدایت کی ہے۔
(0) آپکی رائے
پرنٹ
احباب کو بتائیے
اُوپر