اتوار کو ایک شخص نے جنوب مغربی جرمن شہر روئٹلنگن میں ایک خاتون کو چاقو کے وار سے ہلاک کر دیا۔ اس حملے میں ایک اور خاتون اور ایک مرد کے زخمی ہونے کی بھی اطلاعات ہیں۔ خبر رساں ادارے ڈی پی اے نے جرمن پولیس کا حوالہ دیتے ہوئے کہا کہ اس شخص کو گرفتار کر لیا گیا ہے۔ حملہ آور کے بارے میں ملنے والی ابتدائی تفصیلات کے مطابق اُس کا تعلق شام سے ہے، عمر اکیس برس ہے اور اُس نے پناہ کی درخواست دے رکھی ہے۔

 یہ واضح نہیں ہے کہ اس حملے کے محرکات کیا تھے۔ یہ علاقہ جرمنی کے تیسرے بڑے صوبے باڈن ورٹمبرگ میں واقع ہے۔ یہ واقعہ شہر کے مرکزی حصے میں واقع اومنی بس اڈے کے قریب پیش آیا۔ پولیس کے مطابق حملہ آور غالباً انفرادی طور پر سرگرمِ عمل تھا اور اس وقت کسی اور کے لیے کوئی خطرہ موجود نہیں ہے۔