آئی سی سی نے نئی ٹیسٹ ریکنگ جاری کردی، پاکستان کے یاسر شاہ پہلی سے پانچویں پوزیشن پر آگئے، بیٹنگ میں بھی یونس خان کی رینکنگ بھی گر گئی ہے ۔

اولڈٹریفورڈ میں پاکستانی کھلاڑی نے سوائے نقصان کے کچھ نہ اٹھایا،میچ گنوایا،وکٹیں گنوادیں،اب رینکنگ بھی گرادی۔

ٹیسٹ رینکنگ میں پہلے نمبر پر موجود یاسر شاہ سیدھا پانچویں پوزیشن پر پہنچ گئے،انہوں نے دوسرے ٹیسٹ میں 63اوور میں 266رنز دیئے اور صرف ایک ہی وکٹ لے پائے۔ اس خراب کارکردگی کے بعد ان کی رینکنگ میں چار درجے تنزلی آگئی۔

ویسٹ انڈیز کے خلاف سات وکٹیں لینے والے بھارت کے روی چندر ایشوین پہلے نمبر پر پہنچ گئے، بولنگ رینکنگ میں جیمز اینڈرسن دوسرے اسٹیورٹ براڈ تیسرے اور ڈیل اسٹیں چوتھے نمبر پر آگئے۔

صرف بولنگ ہی نہیں بیٹنگ ریکنگ میں بھی پاکستان کے یونس خان ساتویں سے دسویں نمبر پر پہنچ گئے ہیں جبکہ مصباح الحق آٹھویں نمبر پر موجود ہیں ، اس فہرست میں آسٹریلیا کے اسٹیو اسمتھ بدستور پہلے نمبر پر ہیں۔