وفاقی وزیر داخلہ چوہدری نثار نے کہا ہے کہ سندھ میں جب بھی رینجرز اختیارات میں توسیع کا معاملہ آتا ہے تو کسی خاص کیس کی وجہ سے اسے متنازع بنادیا جاتا ہے۔ 

ٹیکسلا میں میڈیا سے گفتگو کرتے ہوئے انہوں نے یہ بھی کہا کہ یہ نہیں ہو سکتا کہ رینجرز کو بلائیں مگر اختیارات نہ دیں،رینجرز کو وفاقی حکومت کی مکمل حمایت حاصل ہے اوررہے گی۔ 

چوہدری نثار کا یہ بھی کہنا تھا کہ امید ہے کہ نئے وزیراعلیٰ کی آمد سے رکاوٹیں دور ہو جائیں گی،وزیراعلیٰ سندھ مراد علی شاہ کہتے ہیں کہ معاملہ آج یا کل تک حل کر لیا جائے گا۔

ان کا یہ بھی کہنا تھا کہ رینجرز نے کراچی میں امن کے قیام کے لیے قربانیاں دی ہیں، امید ہے نئے وزیراعلیٰ کے آنے سے حالات بہتر ہوں گے۔

دوسری جانب نو منتخب وزیراعلیٰ سندھ مراد علی شاہ کہتے ہیں کہ سندھ میں رینجرز کے اختیارات کا معاملہ آج یا کل تک حل کر لیا جائے گا