اُردو سوسائٹی ریڈنگ نے اپنے تیرہویں سالانہ مشاعرے کا اہتمام مؤرخہ 31 جولائی بروز اتوار کیا جس میں خواتین وحضرات کی
بہت بڑی تعداد نے شرکت کی اور دل کھول کر شعرا کو داد دی۔
مشاعرے کی صدارت صفدر ہمدانی نے کی جبکہ مہمان خصوصی اُنکی اہلیہ ماہ پارہ صفدر تھیں ۔آپ دونوں نے کوئی پچاس سال اُردو کی خدمت کی ہے یعنی جس کی مثال کم ہی ملتی ہے ۔صفدر ہمدانی صاحب کے والد جناب مصطفی علی ہمدانی کو یہ اعزاحاصل تھا کہ آپ نے پہلی بار ریڈیو پاکستان سے قیام پاکستان کا اعلان کیا ۔۔اِسی طرح ماہ صفدر کو بھی پی ٹی وی کی ممتاز نیوز ریڈر ہونے کا شرف حاصل ہے اور وہ اسوقت بی بی سی کی اردو سروس سے لگ بھگ تئیس برس سے منسلک ہیں
مشاعرے کی نظامت کے فرائض ریڈنگ کی نامور افسانہ نگار و شاعرہ محترمہ فرخندہ رضوی نے سر انجام دیئے
مشاعرے کا آغاز تلاوت کلام پاک سے ہوا جسکے بعد اردو سوسائٹی کے روح رواں اور صدر ڈاکٹر خضر مفتی نے مہمانوں اور شعرا کو خوش آمدید کہا اور انکی آمد کا شکریہ ادا کیا جسکے بعد صدر محفل صفدر ھمدانی اور انکی اہلیہ مارہ صفدر کو اسٹیج پر نشستیں سنبھالنے کی درخواست کے ساتھ ساتھ نظامت کے لیئے فرخندہ رضوی کو مدعو کیا۔ جسکے بعد لگ بھگ تین گھنٹے یہ مشاعرہ کامیابی سے جاری رہا۔
مشاعرے میں جن شعرا نے اپنا کلام پیش کیا انکے اسمائے گرامی ہیں
محترم امجد مرزا صاحب،محترم ایوب اولیا صاحب ، محترم ترسیم سال صاحب ، محترم ڈاکٹر جمال سوری صاحب ، محترمہ حمیدہ معین رضوی صاحبہ ، محترم ڈاکٹر رحیم اللہ شاد صاحب ،محترمہ سیمی برلاس صاحبہ ، محترم سنتوک سنگھ صاحب ۔ محترم سوہن راہی صاحب ، محترم عادل فاروقی صاحب ،محترم شری رام شرما میتؔ صاحب، محترمہ فرحانہ غزالی صاحبہ ، محترمہ فرحت خان صاحبہ ،محترمہ فرزانہ فرحت صاحبہ ، فرخندہ رضوی صاحبہ، محترمہ عذرا ناز صاحبہ ، محترم محمود علی صاحب ، محترم مظفر احمد مظفر صاحب ، محترمہ ڈاکٹر صوفیہ روکڑیا صاحبہ، محترمہ نیلم جوگن صاحبہ ، محترم ڈاکٹر مشتاق سنگھ صاحب ۔ ماہ پارہ صفدر صاحبہ اور صدر مشاعرہ جناب صفدر ھمدانی
اس کامیاب مشاعرے کی چند تصاویر
.JPG)
(0) آپکی رائے
پرنٹ
احباب کو بتائیے
اُوپر