اتوار کے روز تقریباً تیس ہزار افراد نے جرمن  شہر کولون میں ترک صدر رجب طیب ایردوآن اور جمہوریت کے حق میں ایک ریلی نکالی۔

 مظاہرے کے شرکاء میں اکثریت ترک اور ترک نژاد جرمن باشندوں کی تھی۔ یہ ریلی دو ہفتے قبل ترک فوج کے ایک دھڑے کی جانب سے صدر ایردوآن کے خلاف کی جانے والی ناکام فوجی بغاوت کے تناظر میں کی گئی تھی۔ مظاہرے کے دوران پولیس کی بھاری نفری تعینات تھی۔ دریں اثناء اتوار ہی کے روز دائیں بازو کی جرمن تنظیموں نے بھی ایک ریلی نکالی، جس میں توڑ پھوڑ کی اطلاعات ہیں۔