پاکستان اور انگلینڈ کے درمیان برمنگھم میں کھیلے جانے والے تیسرے ٹیسٹ میچ کے دوسرے دن کے کھیل کے اختتام پر پاکستان نے اپنی پہلی اننگز میں 90اوورز کے کھیل میں تین وکٹوں کے نقصان پر 257رنز بنائے ہیں ، اسطرح پاکستان اب انگلینڈ سے 40رنز پیچھے ہے اور ابھی اسکی سات وکٹیں باقی ہیں۔

پاکستان کی اننگز کی خاص بات نوجوان بیٹسمین اظہر علی شاندار سنچری تھی۔وہ 139رنز بناکر دن کے اختتامی لمحات میں آئوٹ ہوئے۔یاد رہے کہ انگلینڈ نے اپنی پہلی اننگز میں 297رنز بنائے تھے۔

پاکستان کی جانب سے اوپنر محمد حفیظ کوئی رنز بنائے بغیرآئو ٹ ہوئے جبکہ دوسرے اوپنر سمیع اسلم نے شاندار 82رنز بنائے اور محمد حفیظ کے آئو ٹ ہونے کے بعد مشکل مرحلے پر اظہر کا ساتھ دیکھ پاکستان کی اننگز کو مضبوط بنیادوں پر کھڑا کیا، انکے اور اظہر کے درمیان 181رنز کی شراکت قائم ہوئی، جب میچ ختم ہوا تو یونس خان 21رنز پر کریز پر موجود تھے۔

انگلینڈ کی جانب سےجیمز اینڈریسن اور کرس ووکس ایک ایک وکٹ حاصل کرپائے ہیں ۔مجموعی طور پر آج کا دن پاکستانی بیٹسمینوں کے نام رہا اور انھوں میچ پر اپنی گرفت مضبوط کرنے پر توجہ مرکوز رکھی