عمران خان پشاور میں احتساب ریلی کی قیادت کے لیے کنٹینر پرسوار ہوگئے ۔چیئرمین پی ٹی آئی کا کہنا ہے کہ کرپشن غریب کو غریب تر اور امیر کو امیر تر بناتی ہے،ملک کے ادارے کرپشن کی وجہ سے تباہ ہوگئے، نیب نواز شریف اور اسحاق ڈار کو بچا رہا ہے۔

عمران خان ایک بارپھر کنٹینر پر سوارہوگئے ہیں اور پشاور سے احتساب ریلی اٹک کی جانب رواں دواں ہے۔

چیئرمین پی ٹی آئی نے احتساب ریلی کے شرکا سے خطاب کرتے ہوئے کہا ہے کہ حکمران ٹولہ ملکی دولت چوری کر کے باہر لے جاتاہے،کرپشن غریب کو غریب تر اور امیر کو امیر تر بناتی ہے۔وزیراعظم نواز شریف کے احتساب تک آپ کے ساتھ رہوں گا۔

چیئرمین پی ٹی آئی نے کہا کہ نیب نواز شریف اور اسحاق ڈار کو بچا رہا ہے، نیب کیا صرف پٹواریوں کو پکڑنے کےلیے ہے، اسے نواز شریف کے خلاف کارروائی کرنی چاہیے تھی۔نیب نواز شریف سے پوچھے اربوں روپے کی جائیدادیں اور پیسہ کہاں سے آیا۔

عمران خان نے مزید کہا کہ یہ تو ٹریلر ہے ،میچ شروع ہونےوالا ہے ۔