مرکز اطلاعات فلسطین

فلسطین میں اسیران کے حقوق کے لیے کام کرنے والے ادارے‘کلب برائے اسیران’ نے اپنی ایک رپورٹ میں بتایا ہے کہ اسرائیلی جیلوں میں انتظامی حراست اور قید تنہائی کے خلاف بہ طور احتجاج اس وقت بھی 80 فلسطینی بھوک ہڑتال جاری رکھے ہوئے ہیں۔

رپورٹ میں بتایا گیا ہے کہ بھوک ہڑتالی اسیران میں بلال کاید سر فہرست ہیں۔ وہ گذشتہ 55 دن سے مسلسل بھوک ہڑتال پرہیں۔ انہوں نے دوماہ قبل اس وقت بھوک ہڑتال شروع کی تھی جب ان کی چودہ سال قید ختم ہونے کے بعد رہائی کے بجائے انہیں انتظامی حراست میں ڈال دیا گیا تھا۔ بعد ازاں عوامی محاذ کے 80 اسیران نے ان کے ساتھ اظہار یکجہتی کے لیے ہڑتال شروع کی تھی۔

بھوک ہڑتال کرنے والے فلسطینیوں میں دو سگے بھائی محمود اور محمد البلبول، مالک القاضی، عیاد الھریمی، صحافی محمد نزال، ولید ملوح المسالمہ بھی شامل ہیں۔