جیسے ہیرے کو کبھی  مصنوعی چمک کی ضرورت نہیں ہوتی اسی طرح سے آپا شہناز پروین سحر کی شعری  چمک کو ہم جیسے کسی بھی تبصرہ نگار کی ضرورت نہیں لیکن ہیرے کے ساتھ جڑے  کم حثیت نگینوں کو رشک کرنے کے لیئے  ہیرے کے ارد گرد رہناپڑتا ہے ۔ سو ہم بھی انہیں میں سے ایک ہے ۔۔ مجھے یاد ہے میں آپا کا انٹرویو ریڈیو نوترنگ کے لئے مورخہ  6 اپریل 2014 بروز اتوار کیا تھا جس کا زکر آپا نے اپنی کتاب کے پیش لفظ میں بھی کیا ہے ( بہت بہت شکریہ آپا ، یوں لگا جیسے میری محنت وصول ہو گئی ہو ) ۔ آپ سب  وہ انٹرویو ٹیوب پر جا کر سن اور دیکھ سکتے ہیں ۔۔ ارے رکئے میں اسی مضمون میں کے آخر میں لگا دیتی ہوں تاکہ آپ کو کسی تکلیف سے ناگزرنا پڑے ۔ ۔۔۔ اس انٹرویو کو جتنا سراہا گیا تھا اتنی آج تک میرے کسی کام کوپذیرائی  نہیں ملی ۔۔ ملتی بھی کیسے  آپا جیسی برکتوں والا بھی تو کوئی ہو ۔۔۔۔۔ 

آپ نے یہ بھی بتایا  ۔۔۔۔ 

آپا کوہیپاٹائیٹس سی تھا جو انہیں دانتوں کے علاج کرواتے ہوئے ہوا ۔۔ ان دنوں وہ بہت بیمار تھیں ۔۔ بہت جلد تھک جاتی  تھیں  ۔ ۔ لیکن انہوں نے انٹرویو کے لیئے مسلسل دو گھنٹہ مجھ اور میرے  "سامعین سے باتیں کیں ۔۔   ۔۔ آپا نے کتنا سچ کہا تھا اس دن ، بے شک ، " خدا بڑے لوگوں کو حوصلے بھی بڑے دیتا ہے “ 

 مشکل زندگی پر بات کرتے ہوئے انہوں نے  کہا تھا “ مشکلات انسان خود اپنے لیئے پیدا کرتا ہے “ 

آپا شہناز پروین سحر  کا لہجہ انتہائی دلپذیر ، ان کا اظہار درد بھرا  ، ان کا کلام ان کی  شخصیت کی عملی تفسیر  ہے  اور ان کی شخصیت خود پر بیتی کا عندیہ دیتا ہوا  کلام جیسا پراثر ہے ۔ انہوں نے بڑی محبت سے  مجھےلکھا تھا  “ اف نگہت پہلے تم نے انٹرویو کے لیئے خود کو ہلکان رکھا ۔۔۔ اب اس کے بعد بھی خود کو تھکائے دے رہی ہو ۔۔۔ وہ بھی میرے لیئے ۔۔۔ اتنی اہم نہیں ہوں میں ۔۔۔پلیز تم اپنی صحت کا خیال رکھو ۔۔۔ بہت دکھی ہوں میں یہ جان کر کہ ابھی یکم کو تمھارا آپریشن ہوا ۔۔۔ اور تم نے بلکل بھی اپنا خیال نہیں رکھا ۔۔“ 

 آپا کاش میں آپ کوبتاسکتی کہ آپ مجھے کتنی محترم اور پیاری ہیں ۔۔آپ ایسی مہربان ہیں کہ اگر میں  فون  کرنے میں سستی کر جاؤں  تو آپ کو فکر ہو جاتی ہے کہ میں کیسی ہوں ۔۔ نظموں غزلوں کی خبر گیری میں  دیر کردوں تو آپ خود  میری خبر گیری کے لئے فون کرلیتی ہیں ۔۔ مجھے دن رات دعاؤں میں یاد رکھتی ہیں ۔۔ میری کامیابی کے لئے دعاگو رہتی ہیں ۔ میرے گھر کی سلامتی اور خیر کو اپنی دعاؤں میں  رکھتی ہیں ۔ اف اتنی خالص انسان اور گاڑھی معصومیت ہے آپ میں کہ میں حیران رہ جاتی ہوں ۔۔ سوچتی ہوں آپ سے ، آپ کے بارے میں جتنی بھی باتیں ہوں کم ہیں ..لگتا ہے بہت کچھ ہے ابھی کہنے کے لئے اور نہ کہنے کے لئے بھی ۔۔ 

دوستو ! 

ہر قلمکار کا مقام پڑھنے والوں کا دل ہوتا ہے  ۔۔ اور  آپا آپ کا مقام ہم سب کا دل ہے ۔۔ جس میں  آپ کے لیئے بہت محبت ۔۔  بے حد عقیدت ہے  ۔۔ آپا آپ کا ایکبار پھر شکریہ کہ آپ نے ہمیں ایک اتنی خوبصورت اور قیمتی" ایک اور آخری دن  " دے کر اس  پر مجھے لکھنے کے قابل جانا ۔۔۔  اللہ پاک آپ کو برکتوں والی  لمبی عمر عطا فرمائے ۔۔۔ مجھے یقین ہےکہ ابھی کئی اور آخری دن ہیں جو ہم نے گننے ہیں ۔۔ پڑھنے ہیں ۔۔۔ یاد رکھنے ہیں ۔۔ 

آپا شہناز پروین سحرآپ  کی صحت سلامتی کی ہزاروں دعائیں اللہ پاک کے حضور قبول ہوں ۔۔ 

 الہی آمین

ڈاکٹر نگہت نسیم 

سڈنی ، آسٹریلیا 

گیارہ اگست 

2016