پاک افغان سرحد کے قریب خیبرایجنسی کے علاقے راجگل میں سیکورٹی فورسز کی زمینی و فضائی کارروائیو ں میں 14 دہشت گرد ہلاک اور 11 زخمی ہو گئے۔

آئی ایس پی آر کے مطابق پاک افغان سرحد کے قريب خیبر ایجنسی میں سیکورٹی فورسز کا دہشت گردوں کے خلاف آپریشن جاری ہے۔

خیبر ايجنسی کی وادی راجگل ميں آپریشن کے دوران دہشت گردوں کی آماجگاہوں کو نشانہ بنايا گيا اور زمینی و فضائی کارروائی میں 14 دہشت گرد مارے گئے جبکہ 11 ز خمی ہوئے۔

آئی ایس پی آر کے مطابق کارروائی کے دوران دہشت گردوں کے خفيہ ٹھکانے اور اسلحہ و گولہ بارود کے وسیع ذخائر بھی تباہ کردیئے گئے ۔