عمران خان نے مطالبہ کیا ہے کہ لاہور میں ٹارگٹ کلرز کے خلاف کراچی کی طرز پر آپریشن کیا جائے،پنجاب میں سیاسی ٹارگٹ کلنگ تشویشناک حد تک بڑھ گئی ہے۔ٹارگٹ کلنگ کی روک تھام کے لیے اسلام آباد میں بھی رینجرز آپریشن کی ضرورت ہے۔

پاکستان تحریک انصاف کے چیئرمین عمران خان نے کہا کہ لاہور میں مرزا تنویر کا قتل قابل مذمت ہے، وہ 2 کارکنوں کے قتل کا مدعی تھا۔

انہوں نے کہا کہ پنجاب پولیس ن لیگ کا عسکری ونگ بن چکی ہے،شریف برادران کو شکست کا خوف ہو تو وہ گلوبٹوں کے لے آتے ہیں۔

عمران خان نے کہا کہ ٹارگٹ کلنگ کی روک تھام کیلیےاسلام آباد میں بھی رینجرز آپریشن کی ضرورت ہے،اسلام آباد میں بھی پولیس کی غفلت سے فہد ملک کو قتل کردیا گیا۔

انہوں نے مزید کہا کہ خیبرپختونخواتعلیم کےمیدان میں دیگرصوبوں سےآگےہے،تعلیمی نظام میں بہتری ہمارےمستقبل کےلیےبہترین سرمایہ کاری ہے

مسلم لیگ ن کے رہنما طلال چودھری نے عمران خان کے بیان پر اپنے ردعمل کا اظہار کرتے ہوئے کہا ہے کہ عمران خان زمینی حقائق سے ہٹ کر بات کرتے ہیں۔پنجاب میں امن و امان کی صورتحال بہتر ہے۔

جیو نیوز سے گفتگو کرتے ہوئے طلال چودھری نے کہا کہ اعداد وشمار بتاتے ہیں پنجاب میں دیگر صوبوں کے مقابلےمیں حالات بہترہیں اورجب رینجرز کی ضرورت پڑے گی تو پنجاب حکومت فیصلہ کرے گی