یورپی اتحاد کے مستقبل اور بریگزٹ کے تناظر میں اٹلی، جرمنی اور فرانس کے لیڈران آج اطالوی شہر وینٹوٹینے میں ایک سربراہ اجلاس میں شریک ہوئے۔ بعد میں تینوں لیڈران نے ایک پریس کانفرنس سے خطاب بھی کیا اور یورپ کو درپیش معاملات پر خیالات کا اظہار کیا۔
اٹلی کے وزیراعظم ماتیو رینسی کے ہمراہ جرمن چانسلر انگیلا میرکل اور فرانسیسی صدر فرانسوا اولانڈ یورپی اتحاد کے لیے سن 1941 میں ’وینٹوٹینے منشور‘ لکھنے والے دانشور الٹیرو اسپینیلی کی قبر پر پھول چڑھائے۔
تینوں لیڈران کی میٹنگ میں سب سے اہم موضوعات سلامتی کی صورت حال اور نوجوانوں کے لیے روزگار کے نئے مواقع بتائے گئے ہیں۔
وینٹوٹینے کی مِنی سمٹ اگلے ماہ ستمبر میں براٹی سلاوا میں ہونے والی یورپی لیڈران کی بڑی سمٹ کے ایجنڈے کی راہ بھی ہموار کرے گی۔
(0) آپکی رائے
پرنٹ
احباب کو بتائیے
اُوپر