جرمن شہر اوسنا برُوک کی ایک  عدالت نے ایک طالبہ کو نقاب کے ساتھ اسکول جانے کی اجازت دینے سے انکار کر دیا ہے۔ جمعہ 19 اگست کو اس طالبہ نے اوسنا برُوک کی انتظامی عدالت میں درخواست دائر کی تھی کہ اسے نقاب کے ساتھ کلاسیں پڑھنے کی اجازت دی جائے۔ 

یہ کیس دائر کیے جانے کے محض تین دن بعد یعنی پیر 22 اگست کو سنا گیا۔ 

عدالت نے اس طالبہ کو حکم دیا کہ وہ بذات خود عدالت میں نقاب پہننے کی وجوہات کا دفاع کرے۔ تاہم میڈیا کی بہت زیادہ توجہ کے باعث اس طالبہ نے ایسا کرنے سے معذرت کر لی تو عدالت کی طرف سے کہا گیا کہ اس کے پاس اب ممکنہ ایکشن صرف یہی بچا ہے کہ اس کی درخواست کو رد کردیا جائے۔