روسی حکومت کی جانب سے جاری ہونے والے ایک بیان میں کہا گیا کہ مشرقی یوکرائن میں تازہ جھڑپوں میں اضافے پر جرمنی اور فرانس کے ساتھ ساتھ روس کو بھی تشویش لاحق ہے۔
ان ملکوں کے لیڈران کے درمیان ٹیلی فون پر ہونے والی گفتگو کے بعد ایک مشترکہ بیان جاری کیا گیا۔ روسی صدر ولادیمیر پوٹن کے ساتھ اُن کے فرانسیسی ہم منصب فرانسوا اولانڈ اور جرمن چانسلر انگیلا میرکل نے مشرقی یوکرائن کے حالات پر تبادلہٴ خیال کیا۔ اِس بیان میں واضح کیا گیا کہ تینوں لیڈروں کے درمیان ستمبر میں ہونے والی ملاقات میں اِس بحران کے عملی حل پر مزید گفتگو کی جائے گی۔ مشرقی یوکرائن کے مسلح تنازعے میں ساڑھے نو ہزار انسانی جانیں ضائع ہو چکی ہیں۔
(0) آپکی رائے
پرنٹ
احباب کو بتائیے
اُوپر