رینجرز نے 2013 سے لے کر اب تک کراچی کے مختلف علاقوں میں ٹارگٹ کلرز کے خلاف ٹارگٹڈ آپریشن کے دوران 848 ٹارگٹ کلرز کو گرفتار کیا ۔

ترجمان رینجرز کے مطابق نجی ٹی وی چینل پرحملے سمیت شرپسندی کے واقعات کے پیش نظر شروع ہونے والا آپریشن جاری ہے۔ گرفتار ٹارگٹ کلرز مجموعی طور پر 7224ٹارگٹ کلنگ کی وارداتوں میں ملوث ہیں۔

ترجمان کے مطابق ایم کیوایم کے عسکری ونگ سے تعلق رکھنے والے 654 ٹارگٹ کلرز کو گرفتار کیا گیا،جنہوں نے 5863 ٹارگٹ کلنگ کی وارداتوں کو اعتراف کیا ۔ دیگر عسکری ونگز بشمول لیاری گینگ وار کے 95 ٹارگٹ کلرز کو گرفتار کیا گیاجنہوں نے 804 ٹارگٹ کلنگ کی وارداتوں کا اعتراف کیا۔

ترجمان نے بتایا کہ کالعدم تنظیموں کے 99 ٹارگٹ کلرز کو بھی گرفتار کیا گیاجنہوں نے 557 ٹارگٹ کلنگ کی وارداتوں کا اعتراف کیا ،ترجمان نےاپنے ایک اور بیان میں کہا کہ گزشتہ روز رونما ہونے والے شرپسندی کے واقعات میں کے پیش نظر شروع ہونے والا آپریشن جاری ہے اور اس سلسلے میں نجی ٹی وی چینل پر حملے میں ملوث لوگوں کی نشاندہی میں عوام تعاون کریں