اٹلی کے وسطی علاقوں میں 6اعشاریہ2 شدت کے زلزلے کے باعثمتعدد عمارتیں ملبے کے ڈھیر میں تبدیل ہو گئیں جبکہ ایک گھنٹے بعد5اعشاریہ5 شدت کے آ فٹر شاک نے بھی زمین ہلا دی۔ابتدائی طور پر 6 افراد کے ہلاک ہونے کی اطلاعات ہیں۔

اٹلی میں زلزلے سے سب سے زیادہ اکومولی ، اما ترائس ،پوستا کے علاقے شدید متاثر ہوئے ۔اکامولی کے میئر کے مطابق ایک ہی خاندان کے 4افراد ملبے تلے دبے ہوئے ہیں جن کی زندگی کے کوئی آثار نہیں مل رہے ۔

پولیس نے ایک اور علاقے میں 2افراد کی ہلاکتوں کی تصدیق کی ہے ، عمارتوں کے ساتھ لینڈ سلائیڈنگ اور پل ٹوٹنے کا بھی خدشہ ظاہر کیا جا رہا ہے

 حکام کا کہنا ہے کہ 6.2 کی شدت کے زلزلے سے کئی عمارتیں منہدم ہو گئی ہیںاور کم از کم 13 افراد ہلاک ہوئے ہیں۔۔ حکام کا کہنا ہے کہ متعدد لوگ منہدم عمارتوں کے ملبے تلے دب گئے ہیں۔

امریکی جیالوجیکل سینٹر کے مطابق یہ زلزلہ پیراگیا شہر کے جنوبی مشرق میں 76 کلومیٹر کے فاصلے پر پر آیا۔ اس کی گہرائی سطح زمین سے محض 10 کلومیٹر تھی۔

اب تک 13 افراد کی ہلاکت کی اطلاع موصول ہوئی ہے۔

ایک قصبے کے میئر نے اٹلی کے ریڈیو کو بتایا کہ نصف قصبہ تباہ ہو چکا ہے۔۔ایک مقامی اخبار کے مطابق روم میں عمارتیں 20 سیکنڈ تک لرزتی رہیں۔