میں شدید اضطراب میں ہوں ۔ سمجھ نہیں آ رہی کہ کیا سوچوں اور کیا نہ سوچوں ۔ وطن عزیز کے ہر دلعزیز اینکر پرسن ، دانشور، عالم دین اور ایم کیو ایم کے سینئر رکن جناب ڈاکٹرعامر لیاقت کے چہرے سے جس طرح یہ سارے نقاب اترے اور ان کا اصل چہرہ سامنے آیا دیکھ کر شدید دکھ ہوا ۔۔

مجھے پاکستانیوں پر ترس آ رہا ہے جو اپنی زندگی کی قیمت " خاموشی " لگا چکے ہیں ۔ جو ایک وقت کی روٹی ، اپنے بچوں کی زندگی بچانے کے لیئے اپنے گھروں میں دبکے بیٹھے ہیں ۔۔۔۔۔۔۔۔۔۔۔۔۔ میں ہوتی تو میں بھی یہی کرتی ۔۔۔۔۔۔۔ اس لیئے کہ پاکستان عامر لیاقت جیسے کئی دو منہ والے سانپوں کا ڈیرہ بن چکا ہے 

اے خدا ۔۔۔۔۔۔۔۔ مجھے ڈر ہے کہ کہیں میرا تجھ پر سے اعتبار نا اٹھ جائے ۔۔۔ بس کر دے آجا اب ۔۔ میری ارض پاک کو ان سانپوں سے پاک کر دے ۔۔ تو ہی تو کہتا ہے قانون فطرت ہے جب برائی ایک حد سے بڑھ جائے تو عذاب آ کر رہتا ہے ۔۔

دوستو۔۔! 

کہیں ایسا تو نہیں یہ دو منہ والے سانپ ارض پاک پر عذاب کی صورت نازل ہوئے ہوں ۔

اس کے تناظر میں سیکیورٹی کے ادارے حرکت میں آئے اور کاروائی شروع ہوئی تو فوری یہ خبریں آنے لگیں

ایم کیو ایم کی سینٗر قیادت گرفتار، ملک چھوڑنے پر پابندی ۔۔۔۔۔۔۔۔۔۔۔

ایم کیو ایم کے فاروق ستار، خواجہ اظہار الحسن ، عامر لیافت حسین ، عامر خان، ساجد احمد، قمر منصور، کنور نوید اور وسیم احمد سمیت متعدد افراد کو حراست میں لے لیا گیا ۔

 رینجرز نے نائن زیرو پر بھی چھاپہ مارا ہے اور گرفتاریاں کی گئی ہیں ۔ارم عظیم مستعفی ، رشید گوڈیل نے پاکستان زندہ باد کا نعرہ لگا دیا ۔ ایم کیو ایم کی سینٗر قیادت کے ملک چھوڑنے پر پابندی لگ گئی ہے۔

پارٹی پر پابندی لگانے پر غور

الطاف حسین پر بغاوت کا مقدمہ

۔۔۔۔۔۔۔۔۔۔۔۔۔۔۔۔

پھر خبریں ملیں کہ فاروق ستار اور خواجہ اظہار کو رہا کر دیا گیا اور فاروق ستار پریس کانفرنس کریں گے۔ فاروق ستار کی کانفرنس بھی دھوکہ نکلی۔ پارٹی کو پابندی سے بچانے اور الطاف کو غداری کے مقدمے سے بچانے کی کوشش

فاروق ستار نے  پارٹی کے قائد الطاف حسین کے بیان اور لندن دفتر سے مکمل لاتعلقی کا اعلان کر دیا۔کراچی پریس کلب میں ایم کیو ایم کے دیگر رہنماؤں کے ہمراہ پریس کانفرنس سے خطاب کرتے ہوئے ڈاکٹر فاروق ستار نے کہا کہ وہ الطاف حسین کے بیان اور پالیسی سے لاتعلقی کا اعلان کرتے ہیں۔ انہوں نے پارٹی کی، لندن دفتر سے بھی لاتعلقی کا اعلان کرتے ہوئے کہا کہ متحدہ قومی موومنٹ پاکستان میں ہی رجسٹرڈ ہے اس لئے بہتر ہے کہ اب اس کے فیصلے بھی پاکستان میں ہی کئے جائیں۔ انہوں نے پارٹی کے قائد الطاف حسین پر کڑی نکتہ چینی کرتے ہوئے کہا کہ اگر ذہنی تناؤ کی وجہ سے قائد تحریک الطاف حسین، پاکستان مخالف بیانات دے رہے ہیں تو پہلے اس مسئلے کو حل ہونا چاہئے۔ ڈاکٹر فاروق ستار نے کہا کہ ایم کیو ایم کے قائد کی جانب سے مسلسل معافی مانگی جارہی ہے، لہٰذا فیصلہ کیا گیا ہے کہ الطاف حسین نے ذہنی تناؤ کا مسئلہ حل ہونے تک فیصلے ہم خود کریں گے۔