چانسلر انگیلا میرکل نے کہا ہے کہ وہ پرامید ہیں کہ یورپی یونین کی رکن ریاستیں مہاجرین کی آبادکاری کے معاملے پر کسی ڈیل کو خوش اسلوبی سے طے کر لیں گی۔ یورپی یونین کی کئی ریاستیں یورپ پہنچے ہوئے لاکھوں مہاجرین کے تقسیم کے منصوبے کی مخالفت کر رہی ہیں۔ 

انگیلا میرکل نے جرمن پبلک ٹیلی وژن اے آر ڈی سے گفتگو کرتے ہوئے آج کہا کہ ہر ریاست کو اِس معاملے میں اپنا حصہ ادا کرنا ضروری ہے۔ اس گفتگو میں انہوں نے ایسا اشارہ بھی دیا کہ بعض یورپی ملکوں کو کم مہاجرین قبول کرنے کے حوالے سے غیرمعمولی صورت حال پر استثنیٰ حاصل ہو سکتا ہے۔اپنی اِس گفتگو میں جرمن چانسلر نے اپنا وہ سابقہ موقف دہرایا کہ مذہب کی بنیاد پر مہاجرین کے راستے بند کرنا درست نہیں ہے۔