تیسرے ایک روزہ میچ میں انگلینڈ نےریکارڈ مجموعہ ترتیب دیتے ہوئےپاکستان کو میچ میں فتح کےلئے445رنز کا ہدف دیا ہے۔

انگلینڈ نے ٹاس جیت کرمقررہ50اوورز میں صرف 3وکٹوں کے نقصان پر444رنز بنا ئے جس میںایلکس ہیلز کے171، جوز بٹلر کے90،جو روٹ کے85 اور مورگن کے57رنز شامل تھے۔

آج کے میچ کو ریکارڈساز میچ میں کئی ریکارڈز ٹوٹے اور کئی نئے ریکارڈزقائم ہو ئے، انگلینڈ نے ایک روزہ میچ میںسب سے بڑا مجموعہ444رنز بنائے جوایک روزہ میچز میں اب تک کاکسی بھی ٹیم کےخلاف بننے والا سب سے بڑا مجموعہ ہے۔

ایلکس ہیلز نےبھی پاکستان کے خلاف ریکارڈ ساز اننگ کھیلی انہوں نے171رنز کی انفرادی اننگ کھیلی جس میں4چھکے اور22چوکے شامل تھے،انگلینڈ کی جانب سے کسی بھی بیٹسمین کا یہ سب سے بڑا انفرادی مجموعہ ہے اس سے قبل رابن اسمتھ نے انگلینڈ کی جانب سے سب سے بڑی انفرادی اننگ کھیلی تھی جو167تھی۔

پاکستانی بولر وہاب ریاض نے بھی ایک تاریخ رقم کی ہے وہ پاکستان کی جانب سےسب سے زیادہ رنز دینے والے بولر بن گئے ہیں ، انہوں نے10اوورز میں110رنز دیئے جس میں4چھکے اور12چوکے کھائے۔

پاکستان کی جانب سے حسن علی نے2اور محمد نواز نے ایک وکٹ حاصل کی