ترک وزارت خارجہ کے مطابق ملکی وزیر خارجہ مولود چاؤس اولو نے اپنے روسی ہم منصب کے ساتھ ٹیلی فون پر شامی تنازعے کی تازہ ترین صورت حال پر گفتگو کی  ہے۔

 اس گفتگو میں چاؤس اولو نے روسی وزیر خارجہ سیرگئی لاوروف کو انقرہ حکومت کے عسکری آپریشن کی تفصیلات سے آگاہ کیا۔ دوسری جانب روسی وزارتِ خارجہ کے مطابق لاوروف نے ترک وزیر خارجہ پر شمالی شام میں ترک فوج  اور اُس کی حامی ملیشیا کی  عسکری کارروائی پر اپنے تحفظات سے بھی آگاہ کیا۔ روسی وزارت خارجہ کے مطابق یہ گفتگو ترکی وزیر خارجہ کی خواہش پر ہوئی تھی۔