پاکستان نمیں ذی الحج کا چاند نظر نہیں آیا، یکم ذی الحج 1437ھ 4ستمبر 2016 ءکو جبکہ عیدالاضحی منگل 13ستمبر 2016ءکو ہوگی۔اس بات کا اعلان مرکزی رویت ہلال کمیٹی کے چیئرمین مفتی منیب الرحمان نے کراچی میں کیا۔

مفتی منیب الرحمان کا کہنا تھا کہ پاکستان میں کہیں بھی ذی الحج کا چاند نظر نہیں آیا، چاند کی رویت کا فیصلہ اتفاق رائے سے کیا گیا ہے، محکمہ موسمیات کے تمام مراکزسےعدم رویت کی رپورٹ ملی۔

ذی الحج کا چاند دیکھنے کیلئے رویت ہلال کمیٹی کو محکمہ موسمیات اور سپارکو کی تکنیکی معاونت بھی حاصل تھیں،مرکزی اور زونل رویت ہلال کمیٹیوں میں جید علمائے کرام شامل ہیں، جبکہ مختلف زونل رویت ہلال کمیٹیوں سے اس حوالے سے شہادت بھی لی گئی۔

اس سے قبل لاہور، اسلام آباد اور بلوچستان میں چاند نظر آنے کی کوئی شہادت نہ ملنے پر لاہور، اسلام آباد اور بلوچستان کی زونل رویت ہلال کمیٹیوں نے ذی الحج کاچاندنظر نہ آنےکااعلان کیا تھا۔

سعودی عرب میں حج کا سب سے اہم رکن وقوف عرفہ 11 ستمبر کو ادا کیا جائے گا۔ سعودی عرب میں عید الاضحی پیر 12ستمبر کو منائی جائے گی۔