وارث لدھیانوی کی وفات

٭ پنجابی زبان کے معروف شاعر اور نغمہ نگار وارث لدھیانوی کا اصل نام چوہدری محمد اسماعیل تھا اور وہ 11 اپریل 1928ء کو لدھیانہ میں پیدا ہوئے تھے۔ ابتدا میں عاجز تخلص کرتے تھے پھر استاد دامن کے شاگرد ہوئے اور وارث تخلص کرلیا۔

وارث لدھیانوی نے لاتعداد پنجابی فلموں کے نغمات تحریر کئے جن میں کرتار سنگھ، مکھڑا، رنگیلا، دو رنگیلے، باوجی، شیر خان اور شعلے کے نام سرفہرست ہیں۔

٭5 ستمبر 1992ء کو وارث لدھیانوی لاہور میں وفات پاگئے۔

-----------------------------------------------------------------------

نیروبی میں Desertification کے موضوع پر بین الاقوامی کانفرنس کے موقع پر ڈاک ٹکٹ کا اجرأ

 *29اگست 1977ء اور  9ستمبر 1977ء کے درمیان کینیا کے شہر نیروبی میں 

Desertification 

کے موضوع پر ایک بین الاقوامی کانفرنس منعقد ہوئی جس کا مقصد دنیا بھر میں صحراؤں کے پھیلاؤ کو روکنا تھا۔ اس موقع پر 5 ستمبر 1977ء کوپاکستان کے محکمہ ڈاک نے 65پیسے مالیت کاایک یادگاری ڈاک ٹکٹ جاری کیا جس پر 

U.N. Conference on Desertification

 کے الفاظ تحریر تھے ۔ یہ ڈاک ٹکٹ پاکستان سیکیورٹی پرنٹنگ پریس کے ڈیزائنر عارف جاویدنے ڈیزائن کیا تھا