یمن میں عسکری اور سیکیورٹی ذرائع کا کہنا ہے کہ اتوار کے روز ملک کے شمالی حصے اور عدن میں ایک بم دھماکے کے نتیجے میں کم از کم پندرہ حکومت نواز  فوجی مارےگئے۔

 فوجی ذرائع کا کہنا ہے کہ شیعہ حوثی باغیوں اور ان کے اتحادیوں نے شمالی صوبے حجا کی بندرگاہ ’میدی‘ کا کنٹرول اتحادیوں سے واپس لینے کے لیے حملے کیے ہیں۔

 دریں اثنا سعودی قیادت میں اتحادی جنگی جہازوں نے ایران کے حمایت یافتہ باغیوں کی علاقے میں پیش قدمی روکنے کے لیے پندرہ فضائی حملے کیے۔ سعودی عرب کے زیرقیادت فوجی اتحاد نے ایرانی حمایت یافتہ حوثیوں کے خلاف آپریشن کا آغاز مارچ سن دو ہزار پندرہ میں کیا تھا۔