عیدالاضحی کےتیسرے روز بھی سنت ابراہیمی ادا کرنے کاسلسلہ جاری ہے،کل تک مشکل سے ہاتھ آنے والے قصائی بھی آج آسانی سے دستیاب ہیں ۔

عید پرقربانی کا سلسلہ جاری ہے ،کہیں جانور گررہے ہیں تو کہیں گرائے جاچکےہیں ۔نہ نخرے پہلے جیسے نہ ہی ریٹ ،پہلے دن شہریوں کو آسرے دے دے کر تھکانے والے قصاب بھی اب آسانی سے دستیاب ہیں۔

قربانی سے فارغ ہونےوالے قیمہ بنوا رہےہیں تو کہیں پائے بھنوانے کی تیاریاں ہورہی ہیں ۔

عید الاضحی پر دوسرے روز کی گہما گہمی تو جاری ہےلیکن قربانی تو تیسرے روزبھی ہوگی، تیسرے روز بچے کچے جانور چھری تلے آئیں گے۔اور تکہ ،بوٹی،روسٹ رانیںپھر تیار ہوں گی۔

دوسری جانب دو دن پہلے مکمل طور پر آباد مویشی منڈیاں سنسان ہونے لگیں ،بیوپاری رہےسہےجانوروں کو اونے پونے بیچ کر گھر جانے کی تیاریوں میں مصروف ہیں

کراچی میں عیدالاضحی کےدوسرے روز بھی قربانی کے ساتھ ساتھ صفائی مہم بھی جاری ہے ۔بلدیاتی عملے نے کچھ علاقوں کو تو آلائشوں سے صاف کرلیا ہے تاہم بعض علاقے اب بھی توجہ کے طالب ہیں ، تعفن اٹھنے سے پریشان شہریوں نے جلد از جلد صفائی کا مطالبہ کردیا۔

عید قرباں پر ملک بھر کے بلدیاتی اداروں کی جانب سے آلائشیں اٹھانے کےلیے خصوصی مہم جاری ہے ۔کراچی میں شہر کی مرکزی شاہراہوں پر صفائی کی صورتحال مناسب ہے ۔تاہم مختلف رہائشی علاقوں اور اپارٹمنٹس سے اب تک آلائشیں نہیں اٹھائی جاسکیں جس کے باعث شہریوں کو پریشانی کا سامنا ہے ۔

کراچی کی جیل چورنگی کےقریب پل کےنیچےاورکہکشاں سوسائٹی ملیر ہالٹ بلال مسجد کے قریب بھی آلائشوں کے ڈھیرلگے ہیں، علاقے میں تعفن کی وجہ سے مکینوں کو مشکلات کا سامنا ہے۔علاقہ مکین کا کا کہنا ہے کہ گزشتہ روز بھی اپنی مدد آپ کے تحت دو بار آلائشیں ٹھکانے لگائیں۔

ادھرلاہور میں بھی آلائشیں اٹھانے کا کام دوسرےدن بھی جاری ہے ۔تاہم کچھ علاقوں کواب تک مکمل صاف نہیں کیا جاسکا ہے 

ملک بھر میں آج عید الاضحیٰ مذہبی جوش و جذبے سے منائی جا رہی ہے ۔ نمازعید کے ہزاروں چھوٹے بڑے اجتماعات ہوئے۔نماز کے بعد گلے مل کر تمام گلے شکوے دور کیے گئے۔ سنت ابراہیمی پر عمل کرتے ہوئے جانوروں کی قربانی جاری ہے۔

ملک بھر میں نمازعید کے ہزاروں چھوٹے بڑے اجتماعات،وزیراعظم نوازشریف نے رائےونڈ میں نماز عید ادا کی۔ قائم مقام صدر میاں رضا ربانی،گورنرسندھ ڈاکٹر عشرت العباد نےجناح گراؤنڈ کراچی،خورشید شاہ نے سکھر،بلاول بھٹو نے گڑھی خدابخش،سراج الحق نے منصورہ،یوسف رضا گیلانی نے ملتان میں عید کی نماز ادا کی ۔

اسلام آباد اور راولپنڈی میں بھی نمازعیدالاضحی کی ادائیگی کے بعد سنت ابراہیمی کی ادائیگی جاری ہے، اسلام آباد میں نمازعید کے 796 چھوٹے بڑے اجتماعات ہوئے، جن پر 3 ہزار سیکورٹی کے اہلکار تعینات تھے۔

لاہور میں سیکڑوں مقامات پر نماز عید الاضحی کے اجتماعات ہوئے، گورنر، وزیراعلیٰ پنجاب، امیر جماعت اسلامی سراج الحق اور سربراہ عوامی تحریک طاہر القادری نے لاہور میں عید کی نماز پڑھی۔

نماز عید کےاجتماعات میں شہریوں نے پاکستان اور اسلام کی سربلندی، ترقی اور سلامتی کے لئے خصوصی دعائیں مانگیں۔نماز عید کے بعد فرزندان اسلام اپنے قربانی کیلئے لائے گئے جانوروں کو اللہ کی راہ میں قربان کر رہے ہیں۔

عید الاضحی کے موقع پربڑے شہروں میں سیکیورٹی کے سخت انتظامات کئے گئے ہیں ، رینجرز اور پولیس کی نفری عید گاہوں ، مساجد، امام بارگاہوں اور اہم شاہراہوں پر تعینات ہیں۔نماز عید الاضحی کے اجتماعات کے بعد شہری سنت ابراہیمی کا فریضہ سر انجام دیتے ہوئے اپنے پسند کے جانوروں کی قربانی پیش کر رہے ہیں۔ 

جہاں قربانی ہوگئی قربانی،وہاںانہوں نے بھون کرکلیجی اپنی بھوک مٹالی،لیکن دوپہر کے کھانے میںدسترخوان پرچانپیں،کڑاہی،مصالحے دار بریانی،مزیدار قورمہ،بھنا گوشت اور نہاری خوب سجے گا ، شام کو سب کے ساتھ باربی کیو کی باری آئے گی۔

منی،گڑیا،ببلو کے شیرو،ٹائیگر،سلطان قربان سب ہوگئے ،رات بھر پیارے جانوروں کو ٹہلانے والے،ناز نخرے اٹھانے والے ننھے بچے اداس ہوگئے۔ 

ملتان میں گٹرمیں گرنے والے بیل کو کرین کی مدد سے نکال لیاگیا،امین حفیظ نے بھی بکرے کی قربانی کرلی۔

ماہرین صحت کہتے ہیں گوشت کھائیں لیکن ہاتھ ذرا ہولا رکھیں،قربانی کے گوشت کو فوری طور پر نہ پکائیں،ایک دو گھنٹے رکھیں پھر ہنڈیا چڑھائیں ،جب اچھی طرح گل جائے تو خوب چبا چبا کر کھائیں

اسلامی جمہوریہ ایران اور خلیجی ممالک میں آج عیدالاضحیٰ مذہبی جوش و خروش کے ساتھ منائی جا رہی ہے۔

مہر خبررساں ایجنسی کی رپورٹ کے مطابق اسلامی جمہوریہ ایران اور خلیجی ممالک میں عیدالاضحیٰ مذہبی جوش و خروش کے ساتھ منائی جا رہی ہے۔ ایران میں عید الاضحی کا سب سے بڑا اجتماع دارالحکومت تہران میں منعقد ہوا جس میں لاکھوں مؤمنین نے شرکت کی۔ تہران میں نماز عید الاضحی آیت اللہ سید احمد خاتمی کی امامت میں ادا کی گئی۔ 

ایران کے تمام شہروں اور دیہاتوں عید الاضحی عقیدت اور احترام کے ساتھ منائی جارہی ہے۔ ذرائع کے مطابق امریکہ، آسٹریلیا، یورپ اور مشرق وسطیٰ میں بھی آج عید الاضحیٰ منائی جا رہی ہے۔ آسٹریلیا، ملائشیا، انڈونیشیا، نیوزی لینڈ میں بھی آج مسلمان عید منا رہے ہیں