عوامی مسلم لیگ کے سربراہ شیخ رشید احمد کا کہنا ہے کہ انہوں نے عوامی تحریک کے سربراہ طاہر القادری کو رائے ونڈ مارچ میں عدم شرکت کے فیصلے پر غور کا کہا ہے جس پر طاہر القادری نے اپنے فیصلے پر دوبارہ غورکی حامی بھری ہے۔

عوامی مسلم لیگ کے رہنما شیخ رشید نے لاہور میں عوامی تحریک کے سربراہ طاہر القادری سے ملاقات کی بعد میں میڈیا سے گفتگو میں شیخ رشید کا کہنا تھا کہ وہ طاہر القادری کے پاس عمران خان کا کوئی پیغام لے کر نہیں آئے اور نا ہی وہ ڈاکٹر طاہر القادری کا پیغام لے کر عمران خان کے پاس لے جا رہے ہیں۔

ان کا کہنا تھا کہ رائے ونڈ مارچ میں عوامی مسلم لیگ عمران خان کا ساتھ دے گی۔