روس میں صدر ولادیمیر پوٹن کی جماعت نے پارلیمانی انتخابات میں واضح اکثریت حاصل کر لی ہے۔ اتوار کے روز منعقدہ انتخابات میں ڈالے گئے 90 فیصد ووٹوں کی گنتی کے بعد کہا جا رہا ہے کہ پوٹن کی جماعت کو 54 فیصد سے زائد ووٹ پڑے ہیں۔

 خبر رساں ادارے اے ایف پی کے مطابق انتخابات میں اس کامیابی کے بعد ولادیمیر پوٹن کے چوتھی مرتبہ صدر بننے کی راہ ہم وار ہو گئی ہے۔ اتوار کو انتخابات کے بعد صدر پوٹن نے کہا تھا کہ یہ کہا جا سکتا ہے کہ ان کی جماعت فتح یاب ہو چکی ہے۔ اب تک کے نتائج کے مطابق پوٹن کی یونائیٹڈ رشیا پارٹی کے مقابلے میں کمیونسٹوں اور الٹرا نیشنلسٹ ڈیموکریٹک پارٹی کومحض 13، 13 فیصد ووٹ پڑے۔