نمبر ون پوزیشن تو مل گئی برقرار رکھنا ہے بڑا چیلنج۔ راستہ ہے بڑا دشوار کیوں کہ پاکستان کو ویسٹ انڈیز کے خلاف سیریز جیتنے کے ساتھ بھارت پر بھی کرنا ہوگا انحصار۔پاکستان کو ویسٹ انڈیز کے خلاف سیریز جیتنے کے ساتھ ساتھ بھارت پر بھی نظر رکھنا ہو گی۔ پاکستان اس وقت ایک سو گیارہ پوائنٹس کے ساتھ پہلے اور بھارت ایک سو دس پوائنٹس کے ساتھ  دوسرے نمبر پر موجود ہے۔

 بھارت نیوزی لینڈ کے خلاف ہوم سیریز میں تین ٹیسٹ میچز کھیل رہا ہے۔ بھارت تین صفر یا دو صفر سے سیریز جیتنے میں کامیاب ہوا تو پہلی پوزشن پر قبضہ کرلے گا۔ نیوزی لینڈ تین میں سے ایک ٹیسٹ جیتنے میں کامیاب ہوا تو پاکستان کے لیے آسانی ہوجائے گی۔ اس کے بعد پاکستان ویسٹ انڈیز کو تین صفر سے شکست دے کر پہلی پوزیشن برقرار رکھ سکتا ہے۔

پاکستان اور بھارت دونوں تین صفر یا دو صفر سے سیریز جیتنے میں کامیاب ہوئے تو پہلی پوزیشن بھارت کو مل جائے گی۔ یکم اپریل دو ہزار سترہ کی کٹ آف ڈیٹ تک جو ٹیم نمبر ون پر برقرار رہے گی اسے آئی سی سی جانب سے ایک ملین ڈالر ملیں گے