پاکستان اور ویسٹ انڈیز کے درمیان تین میچوں پرمشتمل ٹی ٹونٹی سیریز کا آخری میچ آج کھیلا جائیگا ۔

 شاہینوں کو سیریز میں دو صفر کی فیصلہ کن برتری حاصل ہے ۔ ابوظہبی کا میدان ، مد مقابل ہوں گے ویسٹ انڈیز اور پاکستان ۔ قومی کپتان سرفراز احمد اور ویسٹ انڈیز کے کارلوس بریتھ ویٹ سیریز کے آخری امتحان میں ان ایکشن ہوں گے ۔ ٹی ٹونٹی فارمیٹ کی عالمی چیمپئن کو پاکستان کے ہاتھوں کلین سویپ کا خطرہ درپیش ہے ۔ 

پہلے دو میچوں میں مایوس کن پرفارمنس دینے والے وِن ڈیز تیسرے میچ میں کم بیک کیلئے پر عزم ہیں ، جبکہ سرفراز الیون نے بھی مختصر فارمیٹ میں مہمان ٹیم کا صفایا کرنے کی تیاری مکمل کر لی ہے ۔ میچ پاکستانی وقت کے مطابق رات نو بجے شروع ہو گا ۔