اقوام متحدہ کی ايک اعلیٰ اہلکار نے مطالبہ کيا ہے کہ عوامی جمہوری کانگو ميں تشدد کی لہر ميں اضافے کی آزادانہ تحقيقات کرائی جائيں۔ 

اقوام متحدہ ميں نائب ہائی کمشنر برائے انسانی حقوق کيٹ گلمور نے منگل کے روز جنيوا ميں يہ بيان ديا۔

 گلمور نے يہ بيان ايک ايسے وقت ديا جب گزشتہ ہفتے کنشاسا ميں پوليس اور مظاہرين کے مابين پر تشدد تصادم ديکھا گيا۔ ان کے بقول انيس اور بيس ستمبر کو رونما ہونے والے واقعات ميں انچاس افراد ہلاک اور سوا سو کے لگ بھگ زخمی ہو گئے تھے۔

 اقوام متحدہ کی اس عہديدار کے مطابق تمام فريقوں کو معاملات حل کرنے پر زور دينا چاہيے تاکہ کسی بڑے سانحے سے بچا جا سکے۔