بھارت میں پاکستانی ہائی کمشنر عبدالباسط کو دھمکی آمیز کال موصول ہوئی ہے، اس معاملے پر پاکستانی ہائی کمشنرعبدالباسط نے بھارتی وزارت خارجہ سے رابطہ کرلیا ہے۔

سفارتی ذرائع کا کہنا ہے کہ عبدالباسط کو دھمکی دی گئی کہ وہ اپنی فیملی اور اسٹاف کےساتھ جلد بھارت چھوڑ دیں، پاکستانی ہائی کمشنر اور اسٹاف کا تخفظ بھارت کی ذمہ داری ہے۔

سفارتی ذرائع کے مطابق پاکستانی ہائی کمشنر معاملہ بھارتی وزارت خارجہ کے نوٹس میں لے آئے، انہوں نے دھمکی آمیز ٹیلی فون نمبرز بھارتی وزارت خارجہ کو دے دیئے۔